काठमाडौं । आठ पटक तिव्वत तर्फको बाटोबाट सगरमाथाको आरोहण गरेकी संखुवासभा जन्मिएकी अमेरिकी निवासी लाक्पा शेर्पाले दोस्रो पटक नेपालको बाटो हुँदै सगरमाथाको आरोहण गर्ने भएको छ ।
यस अघि धेरै पटक सगरमाथाको आरोहण गर्ने महिलामा विश्वकीर्तिमान बनाएकी आरोही शेर्पाले आफ्नै कीर्तिमान तोड्न फेरी सगरमाथाको आरोहण गर्ने बताइन ।

नौ पटक सफल आरोहण गरी सक्नु भएकी लाक्पा १० औँ पटक सगरमाथा आरोहणका लागि आधारशिविर तर्फ जान लाग्नु भएको आरोहण आयोजक कम्पनी सेभेन समिट क्लवका प्रमुख मिङमा शेर्पाले जानकारी दिए ।

लाक्पाले यस अघि सन् २०००, २००१, २००३, २००४, २००५, २००६, २०१६, २०१७, २०१८ मा सगरमाथाको आरोहण गरेकी हुन् । यो वर्षको आरोहणपछि धेरै पटक सगरमाथा आरोहण गर्नुहुने महिलाको कीर्तिमान तोडिने भएको छ ।